સંબધ તારો-મારો
સુકાયેલી નદી જેવો
સાવ શુષ્ક
ન કોઇ તરંગ કે આંદોલન
કે ન ભીનાસ,
માત્ર સુકો પથરાળ
ખરબચળો પ્રદેશ-
જ્યાં નથીતો લાગણીઓનાં
ઘોડાપુર આવતાં
કે નથી પ્રેમની ગહેરાઇ
અહીંતો કિનારા જ નથી.....
પછી મિલન ની ઝંખના કયાંથી???
ન ખળખળ વહેવાની ખેવના
ન સાગરમાં જઈ
ભળવાની ઊત્સુકતા-
શુષ્ક્તા,માત્ર ને માત્ર શુષ્ક્તા,
બીજુ કંઇજ નહી.
સુકાયેલી નદી જેવો
સંબધ તારો-મારો.
good
ReplyDeletekhubaj saras vakyo che..
ReplyDelete