Friday, January 14, 2011

ચાલ જરા ઊડી લઇએ




ચાલ જરા ઊડી લઇએ; મળ્યો છે આજે  મોકો,
આભમાં રંગોળી પુરવાનો આ પર્વ ઘણો અનોખો.
   ચિંતા,વ્યગ્રતા અને બીજુ બધુય;
   નીચે મુકી આપંણ ઊપર  ઉડિએ,
   ક્ષણનુંજ જીવન ને ક્ષણનો આનંદ
   મન મૂકીને આભે આજે વિહરીએ.
હું બનું તારો  પતંગ અને બન તું મારો ધાગો.
ચાલ જરા ઊડી લઇએ; મળ્યો છે આજે  મોકો.
    લઇએ થોડી ખેંચ અને પેંચ
    ને કરીએ થોડી ધીંગા મસ્તી
    આભનેય થોડું  સારુ લાગશે,
    એને પણ થોડી લાગે વસ્તી.
ચાલ  ખૂંદીએ જરા આપણે આભનો આજે ખોળો
ચાલ જરા ઊડી લઇએ; મળ્યો છે આજે  મોકો,

1 comment:

  1. This is gd ... Mesmerizing ... It goes on as the water flows on ... Keep it up ..

    ReplyDelete